نوسه‌ری قورئان پێی وایه‌ عه‌قڵ له‌ ناو دڵدایه‌ /مرۆڤ به‌ دڵ بیرئه‌کاته‌وه‌

نوسه‌ری قورئان پێی وایه‌ عه‌قڵ له‌ ناو دڵدایه‌ ( مرۆڤ به‌ دڵ بیرئه‌کاته‌وه‌ )

له‌ قورئاندا ووشه‌ی ( قلوبهم ) واتا : دڵیان له‌ نزیکه‌ی ٦۰ ئایه‌تدا هاتوه‌ ،، له‌ هه‌موو ئایه‌ته‌کاندا جه‌خت له‌سه‌ر ئه‌وه‌ ئه‌کاته‌وه‌ که‌ سه‌رچاوه‌ی بیرکردنه‌وه‌ و هه‌ست و هۆش له‌ دڵی مرۆڤدایه‌ ،، به‌ڵام بۆ ته‌نیا جارێکیش له‌ یه‌ک ئایه‌تدا ووشه‌ی ( عقڵ یان عقولهم ) نه‌هاتوه‌ .ووشه‌ی ( یعقلون ) واتا : عاقڵ ئه‌بن نزیکه‌ی ۲۳ جار هاتوه‌ ،،، به‌ڵام ئه‌م عاقڵ بونه‌ به‌ دڵه‌ ،، نه‌ک به‌ عقڵ و مێشک ،،
◾ نوسه‌ری قورئان پێی وایه‌ مرۆڤ به‌ دڵ ئیمان ئه‌هێنێت نه‌ک به‌ عقڵ و مشک و بیرکردنه‌وه‌ وه‌کو ئه‌م ئایه‌تانه‌ .

( خَتَمَ اڵَّلهُ عَلَى قُلُوبِهِمْ وَعَلَى سَمْعِهِمْ وَعَلَى أَبْصَارِهِمْ غِشَاوَةٌ وَلَهُمْ عَذَابٌ عَظِيمٌ ))

◾سورة البقرة
◾( يَا أَيُّهَا الرَّسُولُ لَا يَحْزُنْكَ الَّذِينَ يُسَارِعُونَ فِي الْكُفْرِ مِنَ الَّذِينَ قَالُوا آمَنَّا بِأَفْوَاهِهِمْ وَلَمْ تُؤْمِنْ قُلُوبُهُمْ ) سورة المائدة

هه‌روه‌ها توندوتیژی دیسان سه‌رچاوه‌که‌ی دڵی مرۆڤه‌ وه‌کو له‌م ئایه‌ته‌دا هاتوه‌
◾( فَلَوْلَا إِذْ جَاءَهُمْ بَأْسُنَا تَضَرَّعُوا وَلَكِنْ قَسَتْ قُلُوبُهُمْ وَزَيَّنَ لَهُمُ الشَّيْطَانُ مَا كَانُوا يَعْمَلُونَ ) سورة الأنعام

                                                                                            بەردەوامبە لە خوێندنەوە >>>

ئه‌م بۆچونه‌ له‌سه‌رده‌مه‌ کۆنه‌کاندا و له‌ نه‌بونی زانستدا باو بوه‌ به‌ڵام سه‌یرئه‌وه‌یه‌ نوسه‌ری قورئانیش هه‌مان بۆچونی ئه‌وانی دوباره‌ کردۆته‌وه‌ به‌ بێ ئه‌وه‌ی بۆ ته‌نیا یه‌ک جار ئاماژه‌ به‌وه‌ بکات که‌ عه‌قڵ له‌سه‌ری مرۆڤدایه‌ ،
◾ بۆ ته‌نیا جارێک به‌ شێوه‌ی زانستی و حه‌قیقی باسی له‌ جێگاو و سه‌رچاوه‌ی بیرکردنه‌وه‌ هه‌ست نه‌کردوه‌ به‌لکو هه‌میشه‌ جه‌خت له‌سه‌ر دڵ ئه‌کاته‌وه‌ ،،، بۆ نمونه‌ له‌ سوره‌تی البقره‌ ئه‌ڵێت ( فِي قُلُوبِهِم مَّرَضٌ فَزَادَهُمُ اڵَّلهُ مَرَضًا ) واتا له‌ دڵیاندا نه‌خۆشی هه‌یه‌ اڵله‌ ئه‌وه‌نده‌ی تر نه‌خۆشی خستن ،، مه‌به‌ست له‌ نه‌خۆشی دل ئه‌وه‌یه‌ که‌ ئیمانت به‌ خوا نه‌هێناوه‌ ،،

به‌ڵام خه‌ڵک هه‌یه‌ به‌راستی نه‌خۆشی دڵی هه‌یه‌ وه‌کو گیرانی خوێنبه‌ره‌کان یان نا ڕێکوپێکی لێدانی دڵ و هتد ،،، به‌ڵام باوه‌ڕی ته‌واویان به‌ خوا هه‌یه‌ ،، له‌ هه‌مان کاتدا خه‌ڵک هه‌یه‌ هیچ جۆره‌ نه‌خۆشی و کێشه‌یه‌کی نیه‌ له‌ دڵیدا به‌ڵام هه‌رگیز بڕوای به‌ هیچ خوایه‌ک نیه‌ ،،،
◾ ◾ له‌م دوو ئایه‌ته‌دا زۆر به‌ ڕاشکاوی ئه‌ڵێت مرۆڤ به‌ دڵ بیرئه‌کاته‌وه‌
◾( وَلَقَدْ ذَرَأْنَا لِجَهَنَّمَ كَثِيرًا مِّنَ الْجِنِّ وَالْإِنسِ ۖ لَهُمْ قُلُوبٌ لَّا يَفْقَهُونَ بِهَا وَلَهُمْ أَعْيُنٌ لَّا يُبْصِرُونَ بِهَا وَلَهُمْ آذَانٌ لَّا يَسْمَعُونَ بِهَا ۚ أُولَٰئِكَ كَالْأَنْعَامِ بَلْ هُمْ أَضَلُّ ۚ أُولَٰئِكَ هُمُ الْغَافِلُونَ) سوره‌ الاعراف ۱۷۹ ،، واتا

واتا : جه‌هه‌نه‌مان بۆ زۆرێک له‌ مرۆڤ و جن دروستکرد که‌ ( دڵیان هه‌یه‌ و بیری پێناکه‌نه‌وه‌ ،، چاویان هه‌یه‌ پێی نابینن ،، گوێچکه‌یان هه‌یه‌ پێی نابیستن ،، ئه‌وانه‌ وه‌کو ئاژه‌ڵ وان له‌ ئاژه‌ڵ زیاتر ونبون .
هه‌روه‌ها له‌ سوره‌تی الحج ٤۷
◾( أَفَلَمْ يَسِيرُوا فِي الْأَرْضِ فَتَكُونَ لَهُمْ قُلُوبٌ يَعْقِلُونَ بِهَا أَوْ آذَانٌ يَسْمَعُونَ بِهَا فَإِنَّهَا لَا تَعْمَى الْأَبْصَارُ وَلَكِنْ تَعْمَى الْقُلُوبُ الَّتِي فِي الصُّدُورِ )

واتا : ئه‌وانه‌ی له‌سه‌ر زه‌وی گوزه‌شت ئه‌که‌ن دڵیان هه‌یه‌ پێی عاقڵ بن و گوێچکه‌یان هه‌یه‌ پێی ببیستن ، خوا چاوتان کوێرناکات بۆ بینینی راستیه‌کان به‌ڵکو دڵتان کوێرئه‌کات که‌ له‌ناو سنگتانه‌ )

◾ئیتر وابزانم هیچ جێگای ئه‌وه‌ی تیا نه‌ما که‌ شک له‌وه‌ بکه‌ین نوسه‌ری قورئان به‌ هیچ جۆرێک نه‌یزانیوه‌ که‌ هه‌ست و هۆش و بیرکردنه‌وه‌ و بریاردان و خۆشه‌ویستی هه‌موو کردارێکی مرۆڤ سه‌رچاوه‌که‌ی له‌ عه‌قڵی ناو سه‌ر دایه‌ له‌ مێشکدا ،،

◾ بێگومان حه‌دیس و ڕیوایه‌تی تریش زۆره‌ له‌سه‌ر ئه‌م بابه‌ته‌ به‌لام با ئه‌وه‌نده‌ به‌س بێت ،
◾لێره‌دا من چیرۆکێکم بیرکه‌وته‌وه‌ که‌ زۆر کاریگه‌ربو له‌لام بۆیه‌ وێنه‌که‌یم وه‌کو یادگاریه‌ک پاراستوه‌ ،، ئه‌ویش ئه‌و ئافره‌ته‌ی ئه‌یبینن له‌م وێنه‌یه‌دا که‌ کچێکی گه‌نجی خۆی له‌ده‌ست داوه‌ ،، به‌ڵام پێش مردنی دڵی کچه‌که‌ی ئه‌ده‌نه‌ که‌سێکی تر که‌ پێوسیتی پێیه‌تی ،، واتا دڵی کچێک به‌ نه‌شته‌رگه‌ری درایه‌ که‌سێکی تر و خاوه‌ن دڵه‌که‌ مرد ، ئێستا دڵی ئه‌و کچه‌ گه‌نجه‌ له‌ناو جه‌سته‌ی ئه‌و که‌سه‌دایه‌ و به‌ جۆرێکی ته‌واو کار ده‌کات ،، دیمه‌نه‌ کاریگه‌ره‌که‌ ئه‌وه‌یه‌ که‌ دایکی کچه‌ مردوه‌که‌ هاتوه‌ بۆ لای ئه‌و که‌سه‌ی دڵی کچه‌که‌ی خراوه‌ته‌ جه‌سته‌یه‌وه‌ ته‌نیا بۆ ئه‌وه‌ی گوێ له‌ ترپه‌ی دڵی کچه‌که‌ی بگرێت له‌ناو جه‌سته‌ی که‌سێکی تردا ،،، زۆر کاریگه‌ره‌ ،، به‌لام
ئایا ئێستا بیرکردنه‌وه‌ی ئه‌و که‌سه‌ بوه‌ به‌ بیرکردنه‌وه‌ی کچی مردوه‌که‌ ؟؟ ئایا ئێستا ئه‌م که‌سه‌ هه‌ست به‌وه‌ ئه‌کات که‌ دایکی کچه‌ مردوه‌که‌ دایکی خۆیه‌تی ؟؟ گریمان ئه‌م که‌سه‌ پێشتر بێدین و ملحد بوه‌ کچه‌ مردوه‌که‌ش دیندار و خوا ناس و موسولمان ،، ئایا به‌ گوێزانه‌وه‌ی دڵی کچه‌که‌ مردوه‌که‌ ئێستا ئه‌م که‌سه‌ بێدینه‌ بوه‌ به‌ موسولمان