ئایا خودا بوونی هەیە

ئایا خودا بوونی هەیە !

ئێوارە کە گەڕامەوە، دۆستێکی ئازیزم نامەیەکی بۆ ناردم کە بێمە سەر هێڵ و دەمەتەقێیەک بکەین. دوای سڵاو و هەواڵپرسیی، داوای یارمەتیی کرد تا بچێت نوێژ بکات، هەرچەندە بەلامەوە سەیر بوو، بەڵام پێم گوت بفەرموو، چاوەڕێت دەکەم.

کە نوێژەکەی کرد و هاتەوە، پێم گوت ئەمە لە کەیەوە دەست بە نوێژ کردن کردووە و بووی بە کەسێکی ئیماندار، تۆ خۆت بە ئەتایست دەخوێندەوە و باوەڕت بە بوونی خوا نەبوو، چۆنە وا بیر و باوەڕت گۆڕا.

گوتی دوای بیرکردنەوەیەکی زۆر گەیشتمە ئەو قەناعەتەی کە ئەگەر خوا نەبێت، من لەم دونیایەدا هیچم دەست ناکەوێت، خۆشییەکی کاتییە، بەڵام ئەگەر ئیمانداربم و نوێژ بکەم، ئەوا بەهەشتی ئەو دونیا مسۆگەر دەکەم، خۆ ئەگەر دەرکەوت خواش نییە، ئەوا بەو نوێژ کردنە هیچ زیانێکم پێ ناگات.  بەردەوامبە لە خوێندنەوە >>>

بەدەست خۆم نەبوو، کە وای گوت، قاقایەکی بەرزم بۆ کرد و تا ماوەیەک هەر بە قسەکەی پێ دەکەنیم، تاکو هەستم کرد پێی ناخۆشە.

بەداخەوە، دەرفەتی ئەوەی نەدام هۆکارەکەی بۆ ڕوون بکەمەوە و، بە زویر بوونەوە ماڵئاواییی لێ کردم و گوتی کارم هەیە دەڕۆم. دوو-سێ جاریش پەیوەندییم پێوە کرد هەر وەڵامی نەدامەوە. .

بلەیز پاسکاڵ – فەیلەسووف و زانای بیرکاری
بلەیز پاسکاڵ ١٦٢٣-١٦٦٢، فەیلەسووف و بیرکاریزانی (نازانم هاوبەرانبەرێکی گونجاوە بۆ mathematician یان نا) فڕەنسایی، سێ سەدە و نیو پێش ئێستا، تێڕوانینێکی فەلسەفیی بەرگریکارانەی لە ئایین بڵاو کردەوە لە ڕێگەی بیرکارییەوە.

بۆ ئاسان تێگەیشتن لە گرەوەکەی پاسکاڵ، دیناری ئاسنی جارانی خۆمان بە نموونە دەگرین، دوو دیوی هەبوون کە شێر و خەتمان پێ دەگوتن و، کە دینارەکە هەڵ دەدەیت؛ بە ڕێژەی ٥٠/٥٠ ئەگەری هەیە شێر یان خەت بێت.

تیۆرەکەی پاسکاڵیش لەسەر هەبوون و نەبوونی خوا بەم جۆرەیە:

گرەو یان تیۆرەکەی پاسکاڵ
ەو پێیە، چوار دەرەنجامی هەیە:

١-مرۆڤ ئەگەر بڕوای بە بوونی خوا هەبێ، وە دەرکەوت خوا هەیە، ئەوا بەهەشتی بێ کۆتاییی مسۆگەر دەکات.

٢- مرۆڤ ئەگەر بڕوای بە بوونی خوا هەبێ، وە دەرکەوت خوا نییە، زیانێکی سنووردار دەکات.

٣- مرۆڤ ئەگەر بڕوای بە بوونی خوا نەبێ، وە دەرکەوت خوا هەیە، ئەوا دۆزەخی بێ کۆتاییی تووش دەبیت.

٤- مرۆڤ ئەگەر بڕوای بە بوونی خوا نەبێ، وە دەرکەوت خوا نییە، قازانجێکی سنووردار دەکات.

بەم جۆرە، لای پاسکاڵ، تەنیا خاڵی یەکەم سوودی نەبڕاوەی بۆ مرۆڤ هەیە، بۆیە دەبێت مرۆڤ باوەڕی بە خوا هەبێت. سێ خاڵەکەی دیکە، قازانجی سنووردار، یان زیانی سنووردار و نەبڕاوەی بەدواوەیە.



ئەم لێکدانەوەیەی پاسکاڵ، هەر لە سەردەمی خۆیشی دژبەری هەبووە و ڕەخنەی لێ گیراوە. با لەوەش بگەڕێین کە لە ڕێگەی لۆژیکەوە تا چەند دروستە.

بەڵام مرۆڤ، لە سەددەی بیست و یەک دا، هێشتا لەو لێکدانەوەیەی سێ سەد ساڵ پێش ئێستا تێ نەپەڕی بێت، کارەساتە.

وابزانم لە ڕشتەی مرواری-دا بوو جارێک خوێندمەوە کە کابرایەکی شیوعی دەستی کردبووە نوێژ کردن، پێیان گوت کابرا تۆ بڕوات بە خوا و بوونی خوا نییە، ئەم نوێژ کردنەت لە چی، ئەویش گوتبووی، وەڵڵا دەڵێم نەوەک ڕاست دەر بچێت، با نوێژ بکەم، خۆ ئەگەریش وا نەبوو ئەوا چاتر